+7 (701) 759 90 19
USD 411.54 EUR 458.13
RUB 5.84 CNY 57.64
Jańalyqtar

Шымкентте мас жүргізуші полицейді көлігімен сүйреп, бір адамның аяғын басып кетті

2020 жылғы 9 сәуір 10:45
Бөлісіңіз:
Шымкентте мас жүргізуші полицейді көлігімен сүйреп, бір адамның аяғын басып кетті

ШЫМКЕНТ. ҚазАқпарат - Шымкентте жүргізуші учаскелік инспекторды капотында сүйреп, көлігімен жаяу жүргіншінің аяғын басып кетті, деп хабарлайды Polisia.kz.

30 наурызда кешкі сағат 18.30 шамасында тұрғын үйдің ауласында көрнекі белгілері бойынша мас болған ер адам аула сыпырушылардың жұмысына наразылық білдіріп, былапыт сөйлеп, балағаттап, ар-намысына тиетін сөздер айтқан. Оқиға орнына келген учаскелік инспектор Ерхан Абдураимов ер адамның құжаттарын көрсетуін талап етіп, әл-Фараби ауданы полиция басқармасының №25 тірек пунктіне бірге баруын сұрады.

Алайда, ер адам полиция қызметкерінің заңды талаптарына бағынбай, көлікке отырып, жасырынып кеткісі келді. Оны тоқтату және автокөлікті басқаруға жол бермеу мақсатында полиция қызметкері капотына секіріп, 800 метрден астам жол жүргеннен соң, қайта түсті. Ары қарай жүргізуші бірнеше метр жүріп, жолдан өтіп жатқан үлкен жастағы жаяу жүргіншінің аяғын басып кетті.

Патруль полиция қызметкерлері жедел іс-әрекет барысында жүргізушіні анықтап, ұстады. Ол Жамбыл облысының 54 жастағы тұрғыны болып шықты. Жүргізуші уақытша ұстау изоляторына қамалды. Көлік айып тұрағына салынды.

Аталған жайт ҚР Қылмыстық кодексінің 380-бабы (билік өкіліне қатысты күш қолдану) бойынша сотқа дейінгі тергеудің бірыңғай тізілімінде тіркелген. Жаяу жүргінші медициналық мекемеге жеткізілді. Тиісті сараптамалар тағайындалды.


Біздің каналымызға жазылыңыз:

Басты сөздер: Оқиға, Заң, Көлік, Шымкент,
Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059

MURAǴAT