Шымкентте келер жылы халықаралық ақындар айтысы өтеді
Шым шаһар 2020 жылы Тәуелсіз мемлекеттер достастығы елдерінің мәдени астанасы болып жарияланғаны белгілі. Одан бөлек, келесі жылы ЮНЕСКО көлемінде Шымкент қаласының 2200 – жылдық мерейтойы кең көлемде аталып өтпек.
Мәслихат отырысында мәлім болғандай, келер жылдың көлемінде ТМД елдері өнер шеберлерінің мерекелік концерттерін ұйымдастыру жоспарланған. Сонымен қатар, «Жібек жолы» ұлттық салт-дәстүр мен заманауи қолөнер көрмесі, «Шымкент – қызғалдақтар қаласы» ТМД елдерінің суретшілер және фотосуретшілер байқауын өткізу көзделіп отыр.
Бұдан өзге, драма театрлары мен анимациялық фильмдер, опера жұлдыздарының фестивалі, Халықаралық ақындар айтысы және алғаш рет «Душа Евразии» I халықаралық эстрада әндерін орындаушылардың фестивалі ұйымдастырылады. Ақын-жазушылардың кездесулері мен тағы басқа іс-шаралар өткізіледі деп күтілуде.