Шымкентте бейбіт шерулер өткізу туралы заң жобасы талқыланды
Басқосуда Ақпарат және қоғамдық даму министрлігі Азаматтың қоғам істері комитетінің төрағасы Әлия Ғалымова қатысып, заң жобасы туралы айтты.
Оның сөзінше, бейбіт жиналыстардың барлық түрі, соның ішінде митингілер, шерулер, демонстрациялар, пикеттер өткізу туралы осы заң жобасында анық және ұғынықты жазылған.
«Бейбіт жинындар өткізу өтінімдерінің регламенттеу және хабарландыру тәртібі енгізіледі. Егер қандай да бір ұйымды немесе қоғамды толғандыратын мәселе бойынша бейбіт жиналысты ұйымдастырушы жергілікті атқарушы органға өтінім берген жағдайда, онда өткізу орнын, мақсатын және күнін айқындайды, қатысушылардың санын нақты белгілейді. Сондай-ақ, жиналыс өткізу үшін қажетті шарттарды анықтайды, – деді Әлия Ғалымова.
Жиында 21 баптан тұратын құжатта бейбіт жиынға қатысушы барлық тараптың құқықтары нақтыланғаны айтылды.
Қазір қалада митинг өткізетін 2 орын белгіленген. Заң жобасы бойынша, бейбіт шерулер 250 адамға рұқсат етілген. Бұл қауіпсіздік шараларына байланысты қабылданған шешім. Алдағы наурыз айында Парламент депуттарының қарауына жіберілетін заң жобасы туралы жергілікті қоғамдық ұйым өкілдері де өз ұсыныс-пікірлерін ортаға салды.