Шымкент тұрғыны 42 500 теңге әлеуметтік төлемді қалай алғанын айтты
«Шымкент қаласында тұрамын, атыма жеке кәсіпкерлік тіркелген және ұялы телефонға қажетті керек-жарақтарды сатумен айналысамын. Карантин жариялануына байланысты табысымнан айырылдым. Сондықтан әлеуметтік төлем берілетіндігін естігеннен кейін жеке кәсіпкерлігім арқылы egov.kz порталында өтінім қалдырдым», - деді ол.
Қанат Шахановтың айтуынша, порталда жеке сәйкестендіру нөмірін терген кезде бірден әлеуметтік төлем ала алатындығы туралы дерек шығып тұрған.
«Барлық қажетті деректерді өңдеп, өтініш бергеннен кейін СМС-ақпарат келетіндігі туралы хабарлама түсті. Алайда, маған еш хабарлама келген жоқ. Өтінімді 2 сәуір күні қалдырған едім. Ал бүгін есепшотыма 42 500 теңге мөлшерінде әлеуметтік төлем түсіпті. Осындай қиын кезеңде қарапайым азаматтарды ауыр жағдайда қалдырмаған ел басшылығына ризашылық білдіремін», - деді жеке кәсіпкер.