14:21, 07 Шілде 2020 | GMT +6
Шығыс Қазақстанда жер сілкінді
ӨСКЕМЕН. ҚазАқпарат – ҚР Білім және ғылым министрлігіне қарасты «Сейсмологиялық тәжірибе-әдістемелік экспедициясы» ММ сейсмикалық стансалар желісі бүгін, сағат 09.32-де жер сілкінісін тіркеді, деп хабарлайды ҚазАқпарат тілшісі.
Жер сілкінісінің ошағы Алматы қаласынан солтүстік-шығысқа қарай 844 шақырым қашықтықта, Қазақстан аумағында - Шығыс Қазақстан облысы Күршім ауданында орналасқан.
Энергетикалық санаты – 9,6. MPV магнитудасы – 4,4. Тереңдігі – 10 шақырым.
МSК-64 бағаны бойынша сезілу туралы мәліметтер түспеген.