22:51, 08 Сәуір 2020 | GMT +6
Шығыс Қазақстан облысында 3 адамды кене шаққан
ӨСКЕМЕН. ҚазАқпарат – Шығыс Қазақстан облысында 3 адамды кене шаққан, деп хабарлайды ҚазАқпарат.
Жылдағыдай сәуір айынан шығысқазақстандықтар кене шағуына байланысты дәрігерлердің көмегіне жүгіне бастайды. Бүгінде Өскемен қаласында – 2, Алтай ауданында 1 адам қансорғыштардан зардап шеккен.
«Өңірімізде кене энцефалитімен ауырмас үшін салдыратын вакцина бар. Жыл сайын облыста бұл жәндікке қарсы іс-шаралар сәуір айының үшінші онкүндігінде бекітілген кестеге сәйкес өткізіледі. Сонымен қатар кене таралатын аумақтарға дәрі себіледі», - деп хабарлады ШҚО Қоғамдық денсаулық сақтау департаментінің мамандары.
Бұл бағыттағы жұмыстар Өскемен және Риддер қалаларында, Алтай, Глубокое, Зайсан, Катонқарағай, Көкпекті, Ұлан және Шемонайха аудандарының жекелеген аймақтарында жүргізілмек.