+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Шығармашылық одақтар қаржылық қиындықтардан шыға алмай отыр - Қазыбек Иса

2021 жылғы 23 маусым 13:42
Бөлісіңіз:
Шығармашылық одақтар қаржылық қиындықтардан шыға алмай отыр - Қазыбек Иса

НҰР-СҰЛТАН. ҚазАқпарат - Бүгін Мәжілістің жалпы отырысында депутат, «Ақ жол» партиясы фракциясы мүшесі Қазыбек Иса шығармашылық одақтарды қаржыландыру мәселесіне қатысты Премьер-Министрдің орынбасары ЕралыТоғжановтың атына сауал жолдады, деп хабарлайды ҚазАқпарат тілшісі.

Ұқсас жаңалықтар
«Болашақ» бағдарламасымен тағылымдамадан өтетін cанаттар тізімі кеңейтілді Әлібек Дінішевке «Қазақстанның Еңбек Ері» атағы берілді Жаяу Мұсаның дүниеге келгеніне 186 жыл толды

«Ұлттық мүддемізді қорғау үшін, ең алдымен, өз болмысымызды жат болмыстан қорғай білуіміз керек! Бүгінгідей жаһандану дәуірінде жат болмыстан қорғануда ақпараттық-рухани қауіпсіздіктің рөлі зор. Кейде теріс тәрбиеге, ұлтсыздыққа шетелдік ақпараттық экспансия телесериалдармен бірге өзіміздің ұлттық ұғымнан жұрдай түрлі фильмдеріміздің де, жеңіл күлкіге құрылған сайқымазақтық шу мен шоулардың әсері аз емес. Телеарналардан тізесі жалтыраған жыртық шалбарлы әншілер шығып жатқанда, жалпы осы біздің идеологиямыздың өзі бүтін бе деп ойлауға тура келеді кейде...», - деді Қазыбек Иса.

Оның айтуынша, іс жүзінде мемлекеттің стратегиялық серіктесі және қоғамдағы ұлттық идеялардың қозғаушы күші болуға тиіс шығармашылық одақтар қазір қаржылық қиындықтардан шыға алмай, өз күндерін зорға көріп отыр.

«Қандай елдің дамуында да, ең алдымен мәдениеттің маңызы зор!

Мәдениетімізді қолдауға баса назар аударып келе жатқан Қазақстан Президенті Қасым-Жомарт Тоқаевтың тапсырмасымен былтыр Шығармашылық одақтарды қолдау қоры құрылған еді. Қазір бұл қордың жұмысы әлі жүрмей жатыр. Шығармашылық одақтар қаржы жоқ деп шырылдауда, ал Мәдениет министрлігіндегі оларды қолдауға бөлінген 257 миллион теңге игерілмей қалды. Себебі, шығармашылық одақтар құжаттары конкурстық талаптарға сәйкес келмеді дейді министрлік. Өздері күн көре алмай отырған шығармашылық одақтар өздеріне тиесілі сыбағасынан айырылып отыр», - деді депутат.

«Біздің ұсыныстарымызға тоқталсақ, шығармашылық одақтарды қаржыландыруды заңнамалық тұрғыдан шешу үшін оларға мемлекеттің стратегиялық серіктесі статусын беру керек. Екіншіден, шығармашылық одақтардың мемлекетпен әріптестік қызметін жандандыру үшін мәдениет пен өнерді дамыту гранттарын тағайындау қажет. Үшіншіден, ұлттық болмысымызды жат болмыстан қорғау үшін ұлттық идеологиялық, ақпараттық-рухани қауіпсіздік тетіктерін жасауды шұғыл қолға алу керек», - деді Қазыбек Иса.


Біздің каналымызға жазылыңыз:

Бөлісіңіз:

Автор:

Руслан Ғаббасов

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059

MURAǴAT