07:36, 06 Наурыз 2021 | GMT +6
Шорт-тректен ӘЧ: Екі қазақстандық жартылай финалға өтті
ДОРДРЕХТ. ҚазАқпарат – Нидерландының Дордрехт қаласында шорт-тректен 2021 жылғы әлем чемпионаты өтіп жатыр, деп хабарлайды ҚазАқпарат Olympic.kz сайтына сілтеме жасап.
Жарыстың алғашқы күнінде ерлер арасында 500 және 1500 м қашық бойынша іріктеу кезеңдері өтті. Аталмыш дистанцияларға қатысқан қазақстандық қос атлет сәтті өнер көрсетті.
Атап айтқанда, 500 шақырымды Денис Никиша 41.537 уақытта, Әділ Галиахметов 40.708 уақытта бағындырып, 1/4 финалға жолдама алды.
1500 метрлік дистанцияны Денис Никиша 2:14.093 уақытта, Әділ Галиахметов 2:22.407 уақытта жүріп өтті. Енді олар жартылай финалдық бәсекеге қатысады.