14:56, 07 Желтоқсан 2021 | GMT +6
ШҚО стационарларында коронавирустан емделіп жатқандар азайып келеді
ӨСКЕМЕН. ҚазАқпарат – Шығыс Қазақстан облысындағы стационарларда коронавирустан емделіп жатқандар азайып келеді, деп хабарлайды ҚазАқпарат тілшісі.
ШҚО денсаулық сақтау басқармасы баспасөз қызметінің мәліметіне сүйенсек, өңір бойынша соңғы тәулік ішінде COVID-19 инфекциясын жұқтырған 19 адам тіркелді.
Бүгінде стационар жағдайында 375 пациент ем-дом қабылдап жатыр.
Желтоқсан айының басында медициналық мекемелерде коронавирустан емделіп жатқандар 400 адамнан асқан болатын.
«Бір күнде 47 науқас жұқпалы дерттен толықтай жазылып шықты. 4 симптомсыз вирустасушы үй карантинін аяқтады. Жалпы облыста стационарларда төсек-орын жүктемесі – 16,1%-ды құрайды», - делінген ақпаратта.
Естеріңізге сала кетсек, осыған дейін өскемендік мұғалімдер мен ата-аналардың Pfizer вакцинасы жайлы пікірін бөліскені хабарланған.