02:38, 26 Ақпан 2020 | GMT +6
ШҚО мектептерінде көптілді білім беру қолға алынуда
ӨСКЕМЕН. ҚазАқпарат – Шығыс Қазақстан облысындағы мектеп оқушылары француз және неміс тілдерін оқитын болады, деп хабарлайды ҚазАқпарат.
Бұл жайлы бүгін ШҚО аймақтық коммуникациялар қызметінде өткен баспасөз конференция барысында облыстық Білім басқармасының басшысы Сайрангүл Жұмаділова айтты.
«Өңір мектептерінде көптілді білім беру қолға алынуда. Қазірде бірқатар білім ордаларында түрік тілі оқытылып жатыр. Сондай-ақ, мектеп бағдарламасына француз және неміс тілдерін енгізудеміз», - дейді ол.
Оның айтуынша, мұғалімдердің біліктілін арттыруға да баса мән берілген. Соңғы 3 жылда осы мақсатта 6,5 млрд теңге бөлініпті.
Естеріңізге сала кетсек, осыған дейін Шығыс Қазақстанда 2020 жылы 7,5 мың мұғалім арнайы курстан өтетіндігін хабарлаған болатынбыз. https://kaz.inform.kz/news/shko-da-biyl-7-5-myn-mugalim-arnayy-kurstan-otedi_a3614728
Талғатжан Мұхаметбекұлы