14:33, 05 Наурыз 2020 | GMT +6
ШҚО-да өрт салдарынан 4 отбасы баспанасыз қалды
ӨСКЕМЕН. ҚазАқпарат – Шығыс Қазақстан облысының Алтай ауданында барак типтес үйлер өртеніп, 4 отбасы баспанасыз қалды, деп хабарлайды ҚазАқпарат.
Аудандық Төтенше жағдайлар бөлімінің мәліметіне сүйенсек, оқиға Маяк ауылында болған.
«Өрт сөндірушілер келіп жеткенше тілсіз жау төрт үйді шарпып үлгерген. Қызыл жалын тараған аумақ 250 шаршы метрді құрады. 12 адам, оның ішінде 3 бала қауіпсіз жерге көшірілді. Зардап шеккендер жоқ», - деп хабарлады ведомство өкілдері.
Қазіргі уақытта өрттің шығу себептері анықталуда.