+7 (701) 759 90 19
USD 419.54 EUR 509.2
RUB 5.72 CNY 64.81
Jańalyqtar

ШҚО-да атмосфера сапасын жақсартуға бес жылда 24 млрд теңге жұмсалады

2020 жылғы 24 қараша 10:18
Бөлісіңіз:
ШҚО-да атмосфера сапасын жақсартуға бес жылда 24 млрд теңге жұмсалады

НҰР-СҰЛТАН. ҚазАқпарат – Шығыс Қазақстанның экологиялық проблемаларын шешуге бағытталған жол картасында 35 іс-шара көзделген. Бұл шаралар туралы Үкімет отырысында Экология геология және табиғи ресурстар министрі Мағзұм Мырзағалиев пен Шығыс Қазақстан облысының әкімі Даниал Ахметов толығырақ айтып берді, деп хабарлайды ҚазАқпарат тілшісі.

Ұқсас жаңалықтар
Шымкентте полицейлер бір тәулікте 379 әкімшілік құқық бұзу әрекетін анықтады Жер бетінен 40 миллион гектардан астам орман жойылып кеткен Ақмола облысында киіктердің қырылуы қаупі төніп тұр

Мағзұм Мырзағалиев ол шараларда Риддер металлургия комбинатын экологиялық таза технологиялармен жабдықтау, Өскемен қаласында орналасқан ЖЭО-дағы зиянды газдан тазарту құрылғыларын жаңғырту, қолданыстағы кәріздік тазарту кешендерін қайта жаңарту, радиоактивті ластанудың жергілікті ошақтарын анықтау және жою, рұқсат етілмеген қоқыс тастайтын жерлерді жою жұмыстары қарастырылғанын жеткізді.

Ал Даниал Ахметов өңірдегі экологиялық проблемаларды кешенді түрде шешудің жоспары іске асырылып жатқанын сөз етті.

Оның айтуынша, экологияны жақсартуға бағытталған инвестицияның жалпы сомасы - 60 млрд теңге.

«Атап айтқанда, бес жылдың ішінде атмосфераны жақсартуға 24 млрд теңге инвестиция салынады. Оның 22,1 млрд теңгесі Риддер металлургиялық кешеніндегі цех құрылысына беріледі. Бұл – Риддер қаласы бойынша атмосфераға күкірт диоксидін шығарудың 714 тоннаға немесе 20 пайызға азайтуға мүмкіндік береді. Бұл орайда кейінгі 7 жылда ауаның ластану деңгейі облыс бойынша 10 мың тоннаға, Өскемен қаласы бойынша 7 мың тоннаға азайғанын атап өту қажет. Осы кезең ішінде ірі кәсіпорындар табиғат қорғау іс-шараларына 35,2 млрд теңге инвестиция салды», - деді ол.

Өңір басшысы облыс орталығында Экологиялық-қоғамдық мониторинг жүйесі жұмыс істейтінін, экологиялық ақпаратты онлайн режимде кедергісіз алу үшін жағдай жасалғанын мәлім етті.

Сондай-ақ Шығыс Қазақстанда елді мекендердің жасыл белдеулері құрылуда. Өткен жылы 175 мың, ал биыл 30 мың көшет егілген.

Ормандарды қалпына келтіру және көгалдандыру жөнінде 2025 жылға дейінгі іс-шаралар жоспары әзірленген.


Біздің каналымызға жазылыңыз:

Бөлісіңіз:

Автор:

Аян Бекенұлы

Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT