+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

ШҚО-да 300-ден астам дәрігер шетелде біліктілігін арттырды

2021 жылғы 22 маусым 09:45
Бөлісіңіз:
ШҚО-да 300-ден астам дәрігер шетелде біліктілігін арттырды

ӨСКЕМЕН. ҚазАқпарат – Шығыс Қазақстан облысының әкімі Даниал Ахметов Өскемендегі онкологиялық орталыққа барып, атқарылып жатқан жұмыстармен танысты, деп хабарлайды ҚазАқпарат тілшісі.

Ұқсас жаңалықтар
Шығыс Қазақстан облысында карантин шектеуі 16 тамызға дейін ұзартылды СҚО-ға жұмыс істеуге 128 дәрігер шақырылмақ Ертіс жағалауын тазарту бойынша халықаралық экологиялық акция басталды - ШҚО

Өскемендегі онкологиялық орталыққа Қазақстанның басқа клиникаларында баламасы жоқ бірегей жабдық сатып алынған. Соңғы модельдегі жабдықтың қуатты желілік үдеткіші сәулелену дозасы мен пациенттерді емдеу уақытын едәуір қысқартады. Ол алдыңғыға қарағанда 10 есе күшті және ең бастысы науқастың тыныс алуымен синхрондалады, сәулелерді қажет жерге бағыттайды. Қазір үдеткішті баптау және қызметкерлерді осы қондырғымен жұмыс істеуге үйрету процесі жүріп жатыр.

«Соңғы бірнеше жылда 300-ден астам медицина қызметкері әлемнің үздік клиникаларында білім алды. Қазір біз саннан сапаға көшіп, нақты жұмыс істеуге тиіспіз. Яғни, хирургтерді бірегей онкологиялық операцияларды жасауға үйретуіміз керек. Бүгінде сырқаттанған азаматтарымыз шет елдерге барып емделуге мәжбүр. Біз олардың өз елімізде емделуіне мүмкіндік жасауымыз қажет. Сырттан тәжірибе жинап, білімін жетілдірген, жаңа технологияны меңгерген жаңа формациядағы дәрігерлеріміздің саны артады», - деді Даниал Ахметов.

Сатып алынған заманауи және жоғары технологиялы жабдықтар жүздеген онкологиялық науқастың сауығып кетуіне мүмкіндік ашпақ. Сондай-ақ Мәскеудегі Герцен атындағы институтпен келіссөздер жүргізілген. Бірнеше дәрігер Израиль клиникаларына оқуға барады.

Онкологиялық орталықтың өзінде операциялық бөлмелерден палаталарға дейін толық қайта жөнделді. Енді ол медициналық қызмет көрсетудің заманауи стандарттарына сәйкес келеді.


Біздің каналымызға жазылыңыз:

Бөлісіңіз:

Автор:

Талғатжан Мұхаметбекұлы

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Айдар Оспаналиев
Айдар Оспаналиев
954-059

MURAǴAT