20:44, 20 Шілде 2017 | GMT +6
Шипажайда 250 бала уланып қалды
АСТАНА. ҚазАқпарат - Украинаның Запорожье облысы Бердянск қаласындағы шипажайда 250 бала уланып қалды. Бұл туралы бейсенбі күні УНИАН агенттігі хабарлады.
«Лазурный» шипажайында 246 бала уланып қалды», - деп келтіреді агенттік Бердянскідегі қалалық полиция басқармасына сілтеме жасап.
Хабарламада балаларға ішек инфекциясы диагнозы қойылғаны аталып өтілген.
Запорожск облыстық полициясы хабарлағандай, балалардың жағдайы бірқалыпты, олардың өміріне ешқандай қауіп төніп тұрған жоқ. Қазіргі таңда олар шипажай аумағында дәрігерлердің бақылауында.