Шикі мұнай мен газ конденсатын есепке алу ақпараттық жүйесі іске асырылады

«Жер қойнауы және жер қойнауын пайдалану туралы» Қазақстан Республикасы кодексінің 144-бабына, сондай-ақ «Цифрлық Қазақстан» мемлекеттік бағдарламасын іске асыру жөніндегі іс-шаралар жоспарының 1-тармағына сәйкес, мұнай мен газ конденсатын есепке алу ақпараттық жүйесін іске асыру жоспарлануда. Бүгінгі таңда бірқатар жұмыс атқарылды», - деді министр.

Атап айтқанда:

Бірінші. Цифрлық даму, инновациялар және аэроғарыш өнеркәсібі министрлігінің бірлескен бұйрығымен мұнайды есепке алу ақпараттық жүйесі пилоттық режимде іске қосылды.

Екінші. Есепке алу аспаптарымен жарақтандырудың бас схемасы әзірленіп бекітілді.

Үшінші. Бүгінгі таңда 4 мұнай тасымалдау ұйымының 3-еуі («КазТрансОйл», «Мұнайтас», Қазақстан-Қытай құбыржолы». 4-ші ұйым «Каспий құбыр консорциумы» ЖШС қосылуда) жүйеге қосылды.

«Тұтастай алғанда, биыл Қазақстан бойынша мұнай өндірудің жалпы көлемінің 60 пайызын қамтамасыз ететін ұйымдарды жүйеге қосу жоспарланып отыр», - деді Н. Ноғаев.