Шетелге демалуға шығатын қазақстандықтарды қорғау шаралары күшейеді
«Шығу туризмінде туристерді қорғау деңгейін арттыру бойынша шаралар кешенін қабылдау ұсынылады. Туроператорлар ұйымдастырған шығу туризмі шеңберінде Қазақстан Республикасының азаматтарына туристік код беру тетігін енгізу, сондай-ақ кепілдік беру сомаларын жинау және қайтару тәртібін регламент тәртібін енгізу жоспарлануда», - деді Мәдениет және спорт министрі Ақтоты Райымқұлова мәжілісмендер алдында заң жобасын қорғай отырып.
Министр сонымен қатар заң жобасының көмегімен олжалық аң аулауды дамыту, фермерлік аңшылық шаруашылығының кәсіпкерлігін қолдау шаралары жоспарланғанын мәлім етті.
«Әлемдік тәжірибе кәрі жануарларды жоюдың ғылыми негізделген лимиті популяцияға депрессиялық әсер етпейтінін, ал кей жағдайларда оның өнімділігін арттыратынын дәлелдеді. Қазақстанда көптеген сирек кездесетін түрлер популяциясының қазіргі жағдайы тұрақталғанын айта кетуге болады», - деді ол.