11:34, 27 Мамыр 2020 | GMT +6
Шетелдегі қандастарға білім грантын көптеп бөлу ұсынылды - Ұлттық кеңес
НҰР-СҰЛТАН. ҚазАқпарат – Ұлттық қоғамдық сенім кеңесінің мүшесі Асылбек Қожахметов шетелдегі қандастарға көптеп грант бөлуді ұсынды, деп хабарлайды ҚазАқпарат тілшісі.
«Бізге қандастар үшін бөлінетін гранттардың санын арттыру керек. Себебі шеттегі қазақтарды отандық Жоғары оқу орындарына тарта білсек, оларды елде қалдыру мүмкіндіктері де арта түседі», - деді Асылбек Қожахметов Ұлттық қоғамдық сенім кеңесінің кезекті отырысында.
Ұлттық кеңес мүшесі сонымен қатар, Білім және ғылым министрлігінің ЖОО-ларды автономияландыру бағытындағы жұмысын қолдайтынын жеткізді.
«ЖОО-ларға автономиялық мәртебе беру – олардың жауапкершілігін арттыра түседі. Оларға барлық құзірет берілуі керек», - деді ол.