Шекарадан есірткі алып өтпек болған өзбекстандық ұсталды
2022 жылғы 14 мамыр 20:23

Шекарадан есірткі алып өтпек болған өзбекстандық ұсталды

НҰР-СҰЛТАН. ҚазАқпарат – Түркістан облысы Сарыағаш аудандық полиция бөлімінің қызметкерлері «Жібек жолы» шекарасының бақылап-өткізу бекетінен есірткі алып өтпек болған Өзбекстан Республикасының азаматын ұстады, деп хабарлайды ҚазАқпарат облыстық полиция департаментінің баспасөз қызметіне сілтеме жасап.

Өзбекстан тұрғыны «Daewoo Nexia» маркалы автокөлігімен Қазақстан Республикасының аумағына өтерде «Джайма» атты қызметтік ит сезіктеніп, белгі береді. Сақшылар бірден тексеру жұмыстарын жүргізеді. Нәтижесінде күдіктінің жазғы аяқ киімінен полиэтилен пакетке салынған есірткіге ұқсас зат табылды.

Полиция қызметкерлері айғақты тәркілеп, ҚР ҚК-нің 286-бабы 1-бөлігі «Айналыстан алып қойылған заттардың немесе айналысы шектелген заттардың контрабандасы» бойынша тіркеді. Сараптама тағайындалды.

Зерттеу қорытындысымен шетелдіктен алынған заттың «гашиш» есірткісі екені анықталды. Қазіргі таңда күдікті қамауда, сотқа дейінгі тергеу амалдары жүріп жатыр.

Айта кетсек, елордада есірткі айналымына қатысты 17 қылмыстық іс сотқа жіберілді.



Ұқсас жаңалықтар

Jańalyqtar

MURAǴAT