+7 (701) 759 90 19
USD 422.87 EUR 503.38
RUB 5.6 CNY 64.3
Jańalyqtar

Шаңырақ «5-10-20» ипотекалық бағдарламасына өтінім қабылдау басталды

2020 жылғы 28 қазан 11:27
Бөлісіңіз:
Шаңырақ «5-10-20» ипотекалық бағдарламасына өтінім қабылдау басталды

АЛМАТЫ. ҚазАқпарат – 28 қазаннан бастап Қазақстанда Шаңырақ «5-10-20» ипотекалық бағдарламасы бойынша өтінім қабылдау басталды, деп хабарлайды ҚазАқпарат тілшісі.

Ұқсас жаңалықтар

Бұл бағдарлама жергілікті атқару органдарында кезекте тұрған баспанаға мұқтаж азаматтарға арналған.

Аталмыш жобаға 1986-2017 жылдан бері кезекте тұрғандардан басқа 2018-2019-2020 жылдары өтініш бергендер де қатыса алады.

«Шаңырақ» пилоттық жобасы Мемлекет басшысының тапсырмасымен қазақстандықтарға тиімді несиемен баспанаға қол жеткізу мақсатында жасалды.

Бағдарлама шарттарына сәйкес, әр үміткердің соңғы 6 айдағы отбасылық табысы жан басына шаққанда ең төменгі күнкөріс мөлшерінен 3-1 есе артық болуы тиіс.

2020 жылдың 1 сәуірінен бастап бұл көрсеткіш 32 668 теңге болды.

Яғни, отбасының бір мүшесіне келген табыс 101 271 теңгеден аспауы тиіс.

Барлығы 54 198 өтініш қаралды. Олардың ішінде 34 453 адам 1986-2017 жылдары кезекке тұрған.

Қазір құны 32,4 млрд теңге болатын 2 386 өтінім мақұлданды.

Шаңырақ бағдарламасын жүзеге асыру үшін ҚР Ұлттық банкінің еншілес ұйымынан 210 млрд теңге аударылды.

Оның бірінші бөлігі, 90 млрд теңге «Тұрғынүйқұрылысжинақбанкі» АҚ аударылды.

Осы қаражатқа 7-8 мың қазақстандық отбасыға қолжетімді баспана беріледі.

Жылдық 5% мөлшерлемемен несие алу үшін үміткер әкімдікте кезекте тұруы керек. Сонымен қатар, «Тұрғынүйқұрылысжинақбанкі» АҚ шотында үй бағасының 10 пайыз жинағы болуы шарт.

Несие 20 жылға дейін беріледі.


Біздің каналымызға жазылыңыз:

Бөлісіңіз:

Автор:

Гүлмира Ғосманәли

Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT