09:58, 11 Мамыр 2018 | GMT +6
Шағын автобус су қоймасына құлап, бес жолаушы қаза тапты
АСТАНА. ҚазАқпарат - Бейсенбі күні Қытайдың солтүстік-батысындағы Шэньси провинциясында жол апаты болып, бес адам қаза тапты, деп хабарлайды Синьхуа.
Жергілік әкімшіліктің хабарламасы бойынша, оқиға 07:50-де, осы провинцияның Фугу уезінің аумағында болған. Сегіз жолаушысы бар шағын автобус су қоймасына құлап кеткен.
Түрлі ведомстволар қызметкерлерінің көмегімен үш адам құтқарылды. Бес адам қаза болды.
Апаттың мән-жайы анықталуда.