17:20, 15 Қыркүйек 2021 | GMT +6
Сеулде коронавирус жұқтырушылар саны рекордтық деңгейге жетті
СЕУЛ. YONHAP-ҚазАқпарат - Сәрсенбіде Оңтүстік Кореяда коронавирус жұқтырудың тәуліктік көрсеткіші 2 мыңнан асты, ал ел астанасында мереке қарсаңында инфекция жұқтырушылар саны рекордтық деңгейге жетті, деп хабарлайды ҚазАқпарат YONHAP агенттігіне сілтеме жасап.
Кореяның Ауруды бақылау және алдын алу агенттігінің (KDCA) мәліметінше, елде COVID-19 жұқтырудың 2080 жағдайы тіркелген, ауруға шалдыққандардың жалпы саны 277989-ға артқан.
Елде COVID-19-дан тағы 13 адам қайтыс болды, өлім жағдайларының саны да 2380-ге жетті.
Ресми тұлғалардың айтуынша, сәрсенбі күні кешкі сағат 18.00 -ге дейінгі жағдай бойынша ел аумағында 1625 жаңа коронавирус жағдайы тіркелген, бұл алдыңғы күнмен салыстырғанда 71 адамға көп.
