Семейде Татуласу орталығы ашылды

None
None
СЕМЕЙ. ҚазАқпарат - Семейде Татуласу орталығы ашылды, деп хабарлайды ҚазАқпарат ҚР Жоғарғы сот сайтына сілтеме жасап.

Салтанатты ашылу рәсіміне Шығыс Қазақстан облыстық сотының Азаматтық істер жөніндегі сот алқасының төрағасы Дамир Әбдіғалиев, мәслихат хатшысы Ақжалов Бейсенбек, қалалық сот төрағалары, мәслихат депутаттары, психологтар мен кәсіби медиаторлар қатысты.

«Татуласу: сотқа дейін, сотта» жобасын іске асыру шеңберінде ашылған орталықта еңбек, неке-отбасы, азаматтық қатынастар саласындағы дауларды шешетін болады. Мұнда азаматтар заң көмегіне ғана емес, тәжірибелі психологтан кеңес ала алады.

«Татуластыру рәсімдері адамдарға келісімге, ымыралы және өзара тиімді нұсқаны табуға мүмкіндік береді. Сот дауды шешу кезінде тараптардың бірінің пайдасына шешім қабылдайды және сот шешімін екі тараптың да қанағаттандырған кезде өте сирек кездеседі. Татуласу орталығының жұмысы халық арасындағы қақтығыс деңгейін айтарлықтай төмендетеді, құқықтық мәдениетті арттыруға ықпал етеді, дауларды сотқа дейін реттеуді насихаттайды», - деді Д.Әбдіғалиев.

Сондай-ақ, тараптарға кездесу уақытын өзі анықтауға мүмкіндік беретін, дауды соттан тыс реттеудің артықшылығы туралы айтылды, бұл дауды шешу процесін жеделдетеді және ақшаны үнемдейді.

Тараптардың орталықта татуласуына жасалған жағдайлар, диалогқа және өзара тиімді шешімдер қабылдауға ие жағдай ықпал етеді. Орталық қызмет көрсету, күту және өзіне-өзі қызмет көрсету аймағынан тұрады.



Соңғы жаңалықтар