08:18, 07 Желтоқсан 2021 | GMT +6
Семейде ауа райына байланысты 1-11 сынып оқушылары бүгін мектепке бармайды
СЕМЕЙ. ҚазАқпарат - Семейде бірінші ауысымның 1-11 сынып оқушылары сабақты қашықтан оқитын болды, деп хабарлайды ҚазАқпарат.
Бұл жайында облыстық төтенше жағдайлар департаментінің баспасөз қызметі мәлімет таратты.
Оған сенсек, 2021 жылғы 7 желтоқсан күні Семей қаласында ауа райы күрт суытып, қалада көктайғақ болады.
Осыған байланысты бірінші ауысымда оқитын 1-11 сынып оқушылары мектепке бармайды.
Оқушылар сабақты онлайн форматта қашықтан оқиды.
Еске сала кетейік, бүгін Қазақстанның бірқатар өңірінде күн бұзылуына байланысты ескерту жарияланған болатын.