22:06, 27 Қараша 2021 | GMT +6
«Сарыарқа» хоккей клубының бас бапкері ауысты
НҰР-СҰЛТАН. ҚазАқпарат – «Сарыарқа» хоккей клубының бас бапкері болып Александр Макрицкий тағайындалды. Бұл туралы ҚР Ұлттық Олимпиада комитетінен мәлім етті, деп хабарлайды ҚазАқпарат.
Маманмен келісімшарт ағымдағы маусымның соңына дейін жасалды.
Александр Макрицкий бапкерлік мансабын 2012 жылы «Динамо-Шинник» командасында бас бапкердің ассистенті болып бастады. 2014 жылы Нижнегородтың «Торпедосында» бапкердің ассистенті ретінде қызметіне кірісті. Одан кейін Новосібірдің «Сибирінде» тәжірибе жинақтады.
50 жастағы маманның соңғы жұмыс орны Беларусьтің «Юность» клубы болды. Ол клубтан 2021 жылдың қаңтарында кетті.