«Сары» аймақтағы Атырау облысында карантин қашан жеңілдемек
Бұған дейін Атырау облысы «сары» аймаққа өткенін жазған едік.
Осыған облыстық санитарлық-эпидемиологиялық бақылау департаменті басшысының
орынбасары Гүлназ Ербатырованың айтуынша, карантин талабын жеңілдету шарасы жеті
күннен кейін ғана енгізілуі мүмкін.
«Атырау облысы «сары» аймаққа өтті. Қазір 200 мыңнан астам адам вакцина алды. Әр
азамат ұжымдық иммунитетті қалыптастыру үшін вакцинаны уақытында салдырса, эпидемиялық жағдайдың тұрақтануына ықпал етеді. Бұл «сарыдан» «жасыл» аймаққа өтуіне жол ашады. Өңір жеті күн «сары» аймақта болса, онда облыстың бас санитарлық дәрігері карантин талабын жеңілдету туралы жаңа қаулыға қол қояды. Отбасылық іс- шараларды өткізуге берілген рұқсат туралы айтсақ, біздің аймақ үшін біраз күтуге тура келеді. Қазіргі басты міндет – жағдайдың тұрақтылығын жақсартып, вакцина салдыруды жалғастыру», - дейді Гүлназ Ербатырова.