19:00, 18 Қараша 2020 | GMT +6
Саран қаласында автобус қағып кеткен 35 жастағы тұрғын мерт болды
ҚАРАҒАНДЫ. ҚазАқпарат - Қарағанды облысының Саран қаласында автобус ер адамды қағып кетті. Ол алған жарақатынан оқиға орнында көз жұмды, деп хабарлайды ҚазАқпарат тілшісі.
18 қараша таңғы сағат 4:00 кезінде Саран қаласынан бес шақырым жердегі «Саран» шахтасының маңында 55 жастағы Setra жұмыс автобусының жүргізушісі 35 жастағы ер адамды қағып кетті.
Қала тұрғыны алған жарақатынан оқиға орнында қаза болды. Алдын ала мәлімет бойынша, жүргізуші рульге ие бола алмай қалған.
Жол-көлік оқиғасы кезінде автобус салонында жолаушылар болған жоқ.
«Аталған факті Саран қаласының полиция бөлімінде тіркеліп, тиісті сараптамалар тағайындалды» деп хабарлады Қарағанды облысы ПД баспасөз қызметі.