+7 (701) 759 90 19
USD 420.32 EUR 509.34
RUB 5.7 CNY 64.85
Jańalyqtar

Салық қызметкерлерінің жұмысы камера арқылы бақыланады - Алматы МКД

2016 жылғы 23 қараша 19:25
Бөлісіңіз:

АЛМАТЫ. ҚазАқпарат - Алматы қаласы бойынша мемлекеттік кіріс департаменті ішкі қауіпсіздік басқармасының басшысы Ернар Мақажанов мемлекеттік кіріс органдарында сыбайлас жемқорлықты төмендету бойынша жүргізілген жұмыстар жайлы айтты, деп хабарлады «ҚазАқпарат» ХАА тілшісі.

Алматы қаласы ӨКҚ алаңында сөз алған спикер ескерту және алдын алу шаралардың уақтылы қабылдауға баса назар аударды. Егер бұдан бұрын сыбайлас жемқорлыққа қарсы іс-қимыл оның салдарымен күреске бағытталса, кінәлі азамататрды қылмыстық жазалаудан көрінсе, қазір алдын алуға баса көңіл бөлінуде.

Бұл жұмыстар Ұлт жоспарының 13-ші қадамын орындауға бағытталған. Құжатта сыбайлас жемқорлық құқық бұзушылықтың алдын алу үшін сыбайлас жемқорлыққа қарсы арнайы бөлімше құру жайлы айтылады.

Ержан Мақажанов бақылауды қамтамасыз ету, шаралар қабылдау мақсатында барлық кеден бекеттерінде, аудандардың мемлекеттік кіріс басқармаларында веб-камералар орнатылғанын атап өтті. Оның көмегімен МКД лауазымды тұлғаларының қызметіне мониторинг жүргізіледі. Барлық сыбайлас жемқорлықтар жайлы хабарлауға болатын, телефон көрсетілген ақпараттық парақтар орналастырылды.

«Жыл басынан бастап МКД лауазымды тұлғаларына қатысты 42 қылмыстық іс тіркелді. Оның 20-сын МКД ішкі қауіпсіздік күштері ашты. Жыл басынан бастап 7 лауазымды тұлға қылмыстық жауапкершілікке тартылды. Сонымен бірге, ағымдағы жылғы 11 айда Ішкі қауіпсіздік басқармасына лауазымды тұлғаларға қатысты 140 шағым және жеке, заңды тұлғалардың өтініштері келіп түсті», - деп хабарлады ол.

Басқа органдардан келіп түскен шағымдар, өтініштер мен материалдарды қарау аясында 86 қызметтік тексеру жүргізілді және 55 лауазымды тұлға, қызметтік тергеу жүргізілмей, ІҚБ баянатының негізінде 41 лауазымды тұлға әртүрлі тәртіптік жауапкершілікке тартылды. Мемлекеттік кірістер органдарынан 7 адам жұмыстан шығарылды. Ернар Мақажанов ұсақ бұзушылыққа да, мемлекеттік қызметтің беделін түсіретін әрекеті үшін де тәртіптік жауапкершілікті күшейтуге баса назар аударылғанын атап өтті.

Сонымен, бүгінде мемлекеттік қызметтің беделін түсіргені үшін тәртіптік жауапкершілікке МКД 11 қызметкері жауапкершілікке тартылды. Сонымен қатар, мемлекеттік кірістер органдары сыбайлас жемқорлыққа қарсы іс-қимыл уәкілетті органымен бірлесіп кәсіпкерлер және сыртқы экономикалық қызмет қатысушыларының пара беру фактілерін анықтау жұмыстары жандандырылды.

Тұтастай республика бойынша өткен жылдан бастап ішкі қауіпсіздік күштері МК органдары қызметкерлеріне пара берудің 25 фактісін тіркеді. Бүгінде пара берушілердің жартысы сотталды. Оларға айыппұл төлеуден бастап бас бостандығынан айыруға дейін жазалау шаралары қолданылды.

«Мемлекеттік кірістер органдарында Заңға қызмет көрсету барысында табандылық танытқан және пара берушілерді ұстайтын қызметкерлерді ынталандыру шаралары жүргізілуде», - деп атап өтті Ернар Мақажанов.

Біздің каналымызға жазылыңыз:

Бөлісіңіз:

Автор:

Ақбөпе Әбдрасул

Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059

MURAǴAT