16:46, 28 Наурыз 2020 | GMT +6
Салық декларациясын тапсыру мерзімі ұзартылды
НҰР-СҰЛТАН. ҚазАқпарат – Қазіргі уақытта салық және әкімшілік құқық бұзушылықтар бойынша істерді қарау тоқтатылды. Бұл туралы ҚР Ақпарат және қоғамдық даму министрі Дәурен Абаев Хабар 24 арнасында өткен онлайн брифингте айтты.
«Қазір салық және әкімшілік құқық бұзушылықтар бойынша істерді қарау тоқтатылды. Салық декларациясын тапсыру мерзімі 31наурыздан 30 сәуірге дейін ұзартылды. Мемлекет коронавируспен күресуге қатысты барлық шараны жасайды, бірақ бірінші кезекті әр адам өзін-өзі, өз отбасын сақтауы керек. Сол себепті үйде болайық», - деді министр.