14:29, 06 Желтоқсан 2019 | GMT +6
Садриддин Ахмедовтың «Цунамимен» айқасын қайдан көруге болады
НҰР-СҰЛТАН. ҚазАқпарат – Қазақстандық кәсіпқой боксшы Садриддин Ахмедовтің (10-0, 9КО) 7 желтоқсанда өтетін жекпе-жегін «Хабар» арнасынан көруге болады, деп хабарлайды ҚазАқпарат тілшісі.
Қазақстанда аталған айқасты 8 желтоқсанда «Хабар» телеарнасы Нұр-Сұлтан уақыты бойынша сағат таңертеңгі 07.00-де тікелей эфирде көрсетеді.
WBC нұсқасы бойынша жастар арасында бірінші орта салмақтағы әлем чемпионы шаршы алаңға 7 желтоқсанда қайта оралады. Ол Канаданың Монреаль қаласында аргентиналық Хосе Антонио Вильялобоспен (12-5-2, 7КО) кездеседі. Қос құрлықтың боксшылары Давид Лемье (40-4, 34КО) мен Макс Бурсак (35-5-2, 16КО) айқасының андеркардында өзара мықтыны анықтамақ.
Еске сала кетсек, Садриддин Ахмедов кәсіпқой бокстағы оныншы жекпе-жегін қаза айының соңында өткізіп, 31 жастағы мексикалық Джонни Наварретені (33-15-2, 15КО) техникалық нокаутпен жеңген болатын.