+7 (701) 759 90 19
USD 435.54 EUR 473.08
RUB 5.76 CNY 61.64
Jańalyqtar

Сәбит Мұқановтың мерейтойына орай жазушының музей-үйі жөндеуден өтпек

2020 жылғы 14 наурыз 12:55
Бөлісіңіз:
Сәбит Мұқановтың мерейтойына орай жазушының музей-үйі жөндеуден өтпек

ПЕТРОПАВЛ. ҚазАқпарат – Солтүстік Қазақстан облысында Сәбит Мұқановтың 120 жылдық мерейтойына орай биыл жазушының музей-үйі жөнделіп, «Киелі жерлер» жобасы аясында туристік бағыттар ашылмақ, деп хабарлайды ҚазАқпарат тілшісі.

Ұқсас жаңалықтар
Қазақстанда жедел аурухана салу тәжірибесі тұрғын үйде де қолданылады COVID-19: Нұр-Сұлтандағы госпитальдің қытайлық, өзбекстандық ауруханалардан айырмашылығы түсіндірілді Өмірзақ Шөкеев мердігерлерге құрылысқа қосымша жұмыс күшін тартуды тапсырды

СҚО Жамбыл ауданы Сәбит ауылында жазушының құрметіне 1990 жылы әдеби-мемориалдық музей-үйі ашылған болатын. Бұл нысан өңірдің киелі жерлерінің картасына енген.

Бір қабатты ағаш үйді С.Мұқанов Благовещенка елді мекеніндегі көпестердің бірінен сатып, 1959 жылы Сәбит ауылына әкеліп салады. 180 шаршы метрді алып жатқан ғимарат бес бөлмеден: жатын бөлме, қонақжай, ас және қонақ бөлмелері, кіреберістен тұрады. Бүгінде мемориалды музейден жазушының жеке заттарын, бірегей қолжазбаларын, шығармаларын көруге болады. Жалпы 600-ден астам жәдігер сақталған.

«Жергілікті маңызы бар нысан инфрақұрылыммен толық қамтылған. Қазіргі таңда ғимаратты жөнге келтіруге жобалық-сметалық құжаттар әзірленді. Қаражат бөлінген жағдайда ағымдағы жөндеу жұмыстары жүргізіледі. Биыл «Киелі жерлер» жобасы аясында осы Жамбыл ауданына және Айыртау аумағына туристік бағыттар ашуды жоспарлап отырмыз», - дейді СҚО Табиғи-мәдени мұраны қорғау және пайдалану орталығының директоры Рақат Мәмбеталинов.

СҚО-да сәулет және қала құрылысына қатысты 162 ескерткіш бар, оның 105-і Петропавл қаласында орналасқан. 124-і мемлекеттің меншігінде болса, 6-уы қолданыста, қалғаны жекеменшіктің қолында.

«Олардың басым бөлігінің жағдайы қанағаттанарлық болғанымен, үшеуіне күрделі жөндеу қажет. Солардың бірі ХIX ғасырдың екінші жартысында бой көтерген көпес Шулеповтың үйі. Қазір ҚР ҰҚК шекара қызметінің 2032 әскери бөлімшесінің балансында тұр. Олар ғимаратты жөнге келтіру бойынша жұмыс жоспарын ұсынды.

Екіншісі ХIX ғасырдың соңында салынған көшіп-қону бекеті. Бұрын Петропавл қалалық Қорғаныс істері басқармасына қараған. Қазір қалалық тұрғын үй-коммуналдық шаруашылық бөліміне беріліп жатыр.

Үшіншісі 1907 жылы салынған көпес Дмитриевтің үйі. Оны иесі банкке кепілге қойып, өзі қайтыс болған. Сол себепті қазір ғимаратты иесіз деп тану бойынша жұмыстар жүргізіліп жатыр. Бұзақылардан сақтау үшін ғимарат қоршауға алынды», - дейді Рақат Мәмбеталинов.

Жалпы биыл СҚО-да сәулет-қала құрылысы ескерткіштерінің ішінен көпес Шафеевтің үйі, 1915-16 жылы тұрғызылған Сауда үйі және Сырымбет қонысы жөндеуден өтеді.


Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059

MURAǴAT