+7 (701) 759 90 19
USD 412.55 EUR 465.73
RUB 5.79 CNY 58.91
Jańalyqtar

Рудныйлық кәсіпкер 83 млн теңге бюджет қаржысын жымқырмақ болған

2020 жылғы 23 мамыр 05:30
Бөлісіңіз:
Рудныйлық кәсіпкер 83 млн теңге бюджет қаржысын жымқырмақ болған

ҚОСТАНАЙ. ҚазАқпарат – Қостанай облысында серіктестік басшысы 83 млн теңге бюджет қаржысын жымқырмақ болған, деп хабарлайды «ҚазАқпарат» ХАА сыбайлас жемқорлыққа қарсы күрес қызметінің баспасөз орталығына сілтеме жасап.

Ұқсас жаңалықтар
Петропавлда мектеп бухгалтері 700 мың теңге жымқырған Петропавлда ветинспектор пара алды деп күдікке ілінді БҚО-да топ болып бюджет қаражатын ұрлаған шенеуніктер тергеліп жатыр

Орталықтың мәліметінше, былтыр Рудный қаласындағы жаңа шағын ауданға құны 106,2 млн теңге тұратын жылу қазандығын салу үшін мемлекеттік тапсырыс өткен. Мемтапсырысты «ЖылуЭнергоҚұрылыс» ЖШС ұтып алған.

«Серіктестік бюджеттен бөлінген қомақты қаржыға «Боран Бойлер» компаниясынан блокты-модульді жылу құрылғысын сатып алып, оны жаңа салынып жатқан шағын ауданға орнатуы тиіс болған. Бірақ «ЖылуЭнергоҚұрылыс» ЖШС басшысы Б. Шектібаев жобалық-сметалық құжатқа қарамай қарапайым стационарлық жылу құрылғысын қойған. 2019 жылдың қараша айынан бастап бұл іске сыбайлас жемқорлыққа қарсы күрес қызметі араласты.

Нәтижесінде, жылу қазандығының құрылысына қажет құрылғының жеткізілмегені және мердігердің мойнына жүктелген жұмыс ауқымының толық орындалмағаны әшкереленіп, мемлекетке 83 млн 698 400 теңге зиян келген. Кәсіпкер бюджет қаржысын жымқыру туралы ойламағанын айтып ақталған. Кәсіпкер өз әрекетінің заңға қайшы екенін түсініп, мемлекеттік сатып алу келісімшартының талаптарын толық орындап, қымбат құрылғыны орнатты», - дейді сыбайлас жемқорлыққа қарсы күрес қызметінің бас маманы Евгений Бедыч.

Осылайша, сыбайлас жемқорлыққа қарсы күрес қызметінің араласуымен кәсіпкер мемлекетке келтірген зиянның орнын толтырды.

«Біздің басты міндетіміз – құқық бұзғандардың бәрін темір тордың ар жағына тоғыта беру емес. Басты мақсат – азаматтардың құқығы мен еркіндігін қорғай отырып, қылмыстың алдын алу. Бұл жолы мемлекет пен азаматтың, атап айтқанда кәсіпкердің арасында сапалы әрі түсінікті әңгіме өрбіп, мемлекет қаржысының қымқырылуына жол берілген жоқ, - деді сыбайлас жемқорлыққа қарсы іс-қимыл департаменті басшысының бірінші орынбасары Данияр Смағұлов.


Біздің каналымызға жазылыңыз:

Бөлісіңіз:

Автор:

Қасқырбай Қойшыманов

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059

MURAǴAT