Ресейде көпқабатты тұрғын үйде газ жарылды
Он қабатты үйдің 4-қабатында тұрмыстық газ жарылған. Апат салдарынан бір адам көз жұмып, төрт адам зардап шеккен.
«Жарылыс салдарынан үшінші, төртінші, бесінші қабаттардың ара жабындысы қираған», - деп мәлім етті шұғыл қызмет өкілі.
Қазір апаттан зардап шеккендер туралы мәлімет толықтырылып жатыр. Тұрғын үйде 190 пәтер бар. Шұғыл қызмет өкілдері тұрғындарды қауіпсіз жерге шығаруға кірісті.
«Сағат 19:29-де оқыс оқиға туралы хабарланған. Сонда келіп жеткен құтқарушылар 10-қабатты үйдің үшінші қабаттынан бесінші қабатына дейін опырылып түскенін көрген», - деп мәлім етті елдің Төтенше жағдайлар министрлігінің баспасөз қызметі.
Оқиға орнында 103 құтқарушы мен 29 техника жұмыс істеп жатыр. Сондай-ақ, үйінді астынан бір әйел мен бала іздестіріліп жатыр.
Фото/Светлана Сергеева-ТАСС