+7 (701) 759 90 19
USD 384.97 EUR 427.12
RUB 6.04 CNY 54.75
Jańalyqtar

«Qazaq Klasy» Моңғолияның Қобда қаласында жұмысын бастайды

2019 жылғы 15 қараша 16:45
Бөлісіңіз:
«Qazaq Klasy»  Моңғолияның Қобда қаласында жұмысын бастайды

НҰР-СҰЛТАН. ҚазАқпарат – «Отандастар қоры» КЕАҚ қызметкерлері Моңғолияның батыс бес аймағының орталығы Қобда қаласында қазақ тілін онлайн оқытатын жобаны таныстырды. Бұл туралы ҚазАқпарат Қордың баспасөз қызметіне сілтеме жасап хабарлайды.

Ұқсас жаңалықтар
Шетелдегі қазақтарды қолдаудың кешенді шаралары талқыланды Париждегі «Қорқыт ата» мәдени орталығы қандастарға қазақ тілін оқытып жатыр СІМ: Қазақтардың Қытайдан Қазақстанға келу мәселесі шешімін тауып келеді

«Қастерлі қалам» жобасының басты мақсаты қазақ тілінің таралу аймағын кеңейту, диаспора арасында қазақ тілінің мәртебесін көтеру.

Сондай-ақ, этникалық қазақтар шоғырланған жерлерде қазақ тілін оқыту бойынша білім беру іс-шараларын өткізу және оларды қажетінше әдебиеттермен, оқулықтармен және оқу-әдістемелік құралдармен қамтамасыз ету. Қазақ тілін қашықтықтан оқытатын «онлайн» сыныбын ашу.

Жобаны елдегі ЖОО және арнайы тіл оқыту орталықтарының қатысуымен ҚР Ақпарат және қоғамдық даму министрлігі, «Отандастар қоры», «Дүниежүзі қазақтары қауымдастығы» бірлестігі ұйымдастырып отыр.

Айта кетерлігі, сыныптар бастапқыда этникалық қазақтар көп шоғырланған мекендерде, атап айтқанда Астрахан, Орынбор, Омбы, Саратов, Мәскеу, Челябі, Самара, Новосібір, Санкт-Петербор, Қосағаш (Ресей), Ыстанбұл (Түркия), Париж (Франция), Берлин (Германия), Горган (Иран), Киев (Украина), Минск (Белорусь), Антвепон (Бельгия), Ұлан-Батыр, Қобда (Моңғолия), Лондон (Ұлыбритания), Чикаго, Хьюстон (АҚШ) Бішкекте (Қырғызстан) ашылады.

Бұл сыныптарда қазақ тілі сабағы төрт емледе - қазақ-орыс кирилл, ағылшын-қазақ латын, парсы-қазақ араб әрпінде, қытай-қазақ қытай иероглифінде аптасына 5 күн жүргізіледі. Оқытушылардың өткізген сабақтары Отандастар YouTube арнасындағы «qazaq klasy» аясында (тілдік курстер тақырыбы, қазақтың салт дәстүрі мен тарихын дәріптеу лекциялары, түрлі конференциялар, белгілі қазақ тұлғаларының жүргізуіндегі қазақша диктанттар, тікелей эфирдегі сұхбаттар) сақталып, оқушыға қайталап қарауға мүмкіндік береді.

Сабақтар тілді меңгеруге байланысты деңгейлерге бөлініп, деңгейді игерген оқушыға сертификат және Қазақстанға жолдама беріледі. Бастапқы деңгей жазғы лагерлерге, қысқа мерзімді тілдік курстарға, түрлі іс-шараларға қатысуға, ортаңғы деңгей Қазақстанда Алтын бесік жобасы аясында отбасымен тұруға, түрлі практикалық жұмыстар, саяхат жасауға, жоғарғы деңгей Қазақстанның ЖОО-на грантқа түсуге мүмкіндік береді.

Жобаның Skype онлайн режімде тегін сабақ өткізу әдістемесі, жоспары, кестесі «Зерделі» ақыл-ойды дамыту орталығымен бірлесе, дамыған елдердің мол тәжірибелерін зерттеп, шетелдегі қандастардың сұраныстарын ескеріп жасалған.

«Отандастар» қорының бизнес және жобаларды акселерациялау департаментінің үйлестірушісі Болат Зауытұлы мен мәдени-гуманитарлық жобалар департаментінің сарапшысы Ана Шакерханқызының таныстырған осынау жаңалықты Қобда қаласының Оқушылар сарайына жиналған қандастар қызу қолдады. Жақында аталған қалада жоба бойынша келісімшарт жасалып, «qazaq klasy» өз жұмысын бастайтын болды.

Қандастар жиында өздерін қызықтырған сұрақтарға нақты жауап алумен қатар, ұсыныс тілектерін де білдірді. Қатысушыларға қордың сайты, электрондық адресі, «бірыңғай байланыс орталығы» туралы ақпарат беріліп, сол өңірдегі «qazaq klasy» ұйымдастырушы Зиба Яасайқызына кітаптар сыйланды.

Біздің каналымызға жазылыңыз:

Басты сөздер: Қандастар, Тіл,
Бөлісіңіз:

Автор:

Қанат Мәметқазыұлы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059

MURAǴAT