+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Qatar Airways Қазақстанға әуе рейстерін ашады

2020 жылғы 13 қаңтар 15:11
Бөлісіңіз:
Qatar Airways Қазақстанға әуе рейстерін ашады

НҰР-СҰЛТАН. ҚазАқпарат – Qatar Airways Қазақстанға әуе рейстерін ашады. Бұл жайында ҚР Индустрия және ифрақұрылымдық даму министрлігі Азаматтық авиация комитетінің Facebook-парақшасында жарияланған ақпаратта айтылған, деп хабарлайды ҚазАқпарат тілшісі.

Комитеттің мәліметінше, 2020 жылдың 30 наурызында «Qatar Airways» әуе компаниясы Доха мен Нұр-Cұлтан қалалары, ал 1 сәуірде Доха және Алматы қалалары арасында алғашқы рейсті орындайды. Аталмыш рейстер Боинг-787 (Dreamliner) үлгісіндегі әуе кемесімен орындалады.

«Qatar Airways» әуе компаниясы Доха қаласынан Нұр-Сұлтан қаласына аптасына 2 рет және Алматы қаласына аптасына 4 рет жиілікпен Airbus -320 үлгісіндегі әуе кемесімен тұрақты жолаушылар рейстерін орындайды.

Жалпы, «Qatar Airways» әуе компаниясы Қазақстанға аптасына 6 рет тұрақты түрде ұшатын болады.

Екі ел арасындағы рейстерге билеттердің сатылымын бастау 16 қаңтарға жоспарланған.

Рейстің ашылуы қазақстандық жолаушыларға «Qatar Airways» әуе компаниясының 160 бағытына сапар шегуге мүмкіндік береді.

«Qatar Airways» - Катардың ұлттық әуе компаниясы, әлемдегі ең ірі әуе компаниялардың бірі. Әуе кемелерінің паркі 233 ұшақтан тұрады. Басты транзиттік хабы - Доха қаласындағы Хамад халықаралық әуежайы. 2018 жылдың қорытындысы бойынша әуе компаниясы 29 млн жуық жолаушы тасымалдады.


Біздің каналымызға жазылыңыз:

Бөлісіңіз:

Автор:

Марлан Жиембай

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жанат Қапалбаева
Жанат Қапалбаева
954-059

MURAǴAT