Пойыз билеттерін жаппай сатып алудың заңды жолдары аталды

None
None
НҰР-СҰЛТАН. ҚазАқпарат – Елімізде пойыз билеттерін заңды түрде жаппай сатып алуға болатындығы айтылды. Бұл туралы «Жолаушылар тасымалы» АҚ бас директорының орынбасары Виктор Бошманн мәлім етті, деп хабарлайды ҚазАқпарат тілшісі.

«Халық арасында кең таралған «алыпсатар» әрекетін заңды түрде іске асырудың екі жолы бар. Алғашқы жолы туристік агенттіктер билет сатылымға шыққан сәттен бастап өздерінің клиенттері үшін алдын ала жаппай сатып ала алады. Ең бастысы сатып алынған билеттің барлығында әр адамның аты-жөні мен ЖСН-і көрсетілуі тиіс. Екінші заңды жолы кейбір туристік агенттіктер жеке тасымалдаушылардан пойыз билеттерін жаппай сатып алып, сосын ол билеттерді өз клиенттеріне туристік қызметімен қоса ұсына алады», - деді В. Бошманн.

Одан бөлек, директор орынбасары жолаушыларға пойыз билеттерін «Қазақстан темір жолы» АҚ-ның ресми сайтынан сатып алуға кеңес берді.

«Егер билет жоқ болған жағдайда, онда күту бөлімінен кезек алған дұрыс. Себебі жолаушы өз билетін қайта өткізген жағдайда сізге сатылымға шыққан билет туралы хабарлама келеді. Тағы айтып өтетін жайт, электронды билет сату жүйесі арқылы Қазақстан бойынша барлық бағыттағы пойыздарға билет сатып алуға болады», - дейді ол.

Айта кетейік, бұған дейін «Жолаушылар тасымалы» АҚ бас директорының орынбасары Виктор Бошманн елімізде пойыз билеттерін алып, қайта сатушылардың жолын кесудің жаңа тәсілін атап көрсеткен болатын.



Соңғы жаңалықтар