Полиция күні: Алматы полициясының басшылығы Фурманов шыңын бағындырды

Полицейлер ауа райының қолайсыздығына қарамастан өткен күні шыңға шықты.

Шыңды бағындырушылар қатарында Алматы ПД басшылығы, аудандық басқармалар мен полиция бөлімдерінің басшылары, сондай-ақ, департаменттің дербес бөлімшелері болды.

«Шынымды айтсам, бұл - біздің қызметкерлердің тауға бірінші сапары емес. Кәсіби болмаса да, бірақ жоғары сапалы әуесқой деңгейінде болды. Жол оңай болған жоқ, тұман мен жаңбыр да белгілі бір қолайсыздық туғызды. Бірақ, шыңға шыққандардың алдында жалғыз мақсат болды - қашықтықты соңына дейін және барлық құраммен жүріп өту. Шыңға көтерілгеннен кейін дәстүр бойынша Қазақстанның әсем туы желбіреді», - деді Алматы қалалық полиция департаментінің бастығы Қанат Таймерденов.

Спикер бұл іс-шара қазақстан полициясы күні мерекесі қарсаңында ұйымдастырылғанын атап өтті.

Бұл жастарға патриоттық, адамгершілік және рухани тәрбие тұрғысынан жақсы үлгі болады.