+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Полиция Бәйдібек ауданында жоғалған жасөспірімді Шымкенттен тапты

2020 жылғы 15 қаңтар 10:07
Бөлісіңіз:
Полиция Бәйдібек ауданында жоғалған жасөспірімді Шымкенттен тапты

ТҮРКІСТАН. ҚазАқпарат – Бәйдібек ауданының полицейлері атасына ренжіп Шымкент қаласына кетіп қалған жасөспірімді тапты, деп хабарлайды ҚазАқпарат Түркістан облыстық ПД баспасөз қызметіне сілтеме жасап.

Бәйдібек аудандық полиция бөліміне түнде сағат 22:00-лер шамасында 2007 жылғы жасөспірім үйінен шығып кетіп, оралмағаны жөнінде хабарлама келіп түседі. Шағымданушының айтуынша 13 жастағы жасөспірім сол күні түсте атасымен сөзге келіп қалып, үйінен шығып кеткен.

Полицейлер баланы табуға тез арада іске кірісті. Көрген-білгендерден сұрастырып, жақын маңдарды аралап, баланың баруы мүмкін деген жерлері мен таныстарына сұрау салды.

1 сағаттан соң тергеу барысында жасөспірімнің Шымкент қаласындағы әкесінің үйіне барғаны анықталды. Сондай-ақ, жоғалған 6 сынып оқушысының ата-анасы осыдан бірнеше жыл бұрын ажырасқаны белгілі болды.

Осылайша жасөспірімді алып келу мақсатында аудандық полицейлермен қатар, мүдделі органдардың өкілдері бірлесіп, Шымкент қаласына жасөспірімнің әкесінің үйіне барды.

«Отбасылық кикілжіңнің салдарынан біраз қиындықтар туындап, баланы бергісі келмеген әкесі үйінде жоқ болып шығады. Алайда полицейлердің мұқият атқарған жұмыстары арқасында бала таңғы сағат 05:00 шамасында туыстарының үйінен табылды. Полицейлер баланы анасына табыстады», делінген хабарламада.

Баланың анасы полицейлерге алғыс білдірді.

Түркістан облысы полицейлері азаматтарға кәмелет жасына толмаған балаларымен дос болып, жиі сөйлесіп отыруға, араласатын ортасын толық біліп, бақылауда ұстауға кеңес береді.


Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT