01:34, 08 Наурыз 2021 | GMT +6
Польшада коронавирустың үшінші толқыны басталды
НҰР-СҰЛТАН. ҚазАқпарат - Польшада соңғы аптада коронавирус жұқтырғандар саны 23% -ға өсті. Ел билігі індеттің үшінші толқынының басталғаны туралы айтуда, деп хабарлайды ҚазАқпарат ҚР Үкіметі жанындағы Қазақстанда коронавирустың таралуына жол бермеу жөніндегі ведомствоаралық комиссияның Telegram каналына сілтеме жасап.
Ондағы мәліметтерге қарағанда, сенбі күні Польшаның Денсаулық сақтау министрлігі бір тәулікте 14 800 Covid-19 вирусын жұқтыру жағдайы және 245 өлім тіркелгенін хабарлады. Сонымен қатар, елде коронавирустың салдарынан ауруханаға түскендердің саны соңғы жеті күнде 16% -ға артқан.