+7 (701) 759 90 19
USD 427.91 EUR 506.9
RUB 5.6 CNY 64.17
Jańalyqtar

Петропавлда жаңа инфекциялық аурухана салынып жатыр

2020 жылғы 28 қыркүйек 16:04
Бөлісіңіз:
Петропавлда жаңа инфекциялық аурухана салынып жатыр

ПЕТРОПАВЛ. ҚазАқпарат – Солтүстік Қазақстан облысында коронавируспен күресті күшейту мақсатында бес оттегі стансасы және инфекциялық аурухана салынып жатыр, деп хабарлайды ҚазАқпарат тілшісі.

Ұқсас жаңалықтар
Асқар Мамин COVID-19 таралуына жол бермеу жөніндегі ВАК отырысын өткізді Коронавируспен күрес: Кипр Қазақстанға гуманитарлық көмек көрсетіп отыр Жандарбек Бекшин: Шетелге қарағанда еліміздің демалыс орындары қауіпсіз

Облыс әкімі Құмар Ақсақалов құрылысы жүріп жатқан денсаулық сақтау саласы нысандарын аралап, жағдайды көрді.

«Біз індеттің екінші толқынына дайын болуымыз керек. Қазір өңірдегі ауруханалар әдеттегі режимде жұмыс істеп жатыр. Қажет болған жағдайда олар 24 сағаттың ішінде коронавирусты жұқтырған сырқаттарды емденуге бейімделеді.

Бұдан басқа төсек-орын қоры 2315-тен 3 400 орынға дейін ұлғайтылды. Бұл шілде айымен салыстырғанда 1,5 есеге көп. Өкпені жасанды желдету аппараты 3 есе – 81-ден 228-ге дейін, оттегі концентраторы 20 есе – 18-ден 363-ке дейін және пульсоксиметр 9 есе – 132-ден 1 195-ке дейін көбейді. Таяуда 11 рентгендиагностикалық аппарат және 8 көшпелі медициналық кешен алынады», - дейді өңір басшысы.

Бүгінде Петропавлда бес оттегі стансасы салынып жатыр. Бұдан басқа 200 орынға шақталған инфекциялық аурухана салынып жатыр. Жаңа нысан өкпені жасанды желдету аппаратымен, компьютер томографиясы, оттегі концентраторымен қамтылады.

«Аурухана тиісті талаптарға сай салынады. Ең бастысы – ағынды желдету болуы қажет. Нәтижесінде палатадағы ауа дәлізге шықпайды. Клиника аймақтарға бөлінеді. Сырқаттар ем алатын аймақ, жұмыс аймағы және дәрігерлер дем алатын жер. Бұл медицина қызметкерлерінің ауруды жұқтыруына жол бермейді», - дейді Құмар Ақсақалов.

Өңір басшысы Петропавлдағы көпсалалы аурухананың құрылыс барысын да көрді. Нысанды түрік инвесторлары әлемдік стандартқа сай салып жатыр.

«Өңірде онкология мәселесі өткір тұр. Жаңа ауруханаға 1,5 млрд теңгенің желілік желдеткіші орнатылады. Бұл онкологияны емдеудің заманауи әдісі. Мұндай қондырғы қазір тек Нұр-Сұлтан мен Алматыда ғана бар. Сол себепті біз сырқаттарды Алматыға жіберуге мәжбүрміз.

Жалпы аурухана жаңа технология бойынша жабдықталады. Еуропалық клиникалардан еш кем болмайды. Ал тұрғындар сапалы медициналық қызметті МӘМС аясында тегін алады. Қазір өңір тұрғындарының 80 %, яғни 438 443 адам осы жүйеде сақтандырылған», - дейді Құмар Ақсақалов.


Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059

MURAǴAT