00:36, 19 Маусым 2021 | GMT +6
Перуде автобус 200 метр биіктіктен құлап, 17 адам қаза тапты, 20-дан астамы зардап шеккен
ГАВАНА. ҚазАқпарат - Перудің оңтүстігіндегі Луканас провинциясында автобус шатқалға құлап, кем дегенде 17 адам қаза тапты. Бұл туралы ҚазАқпарат Associated Press агенттігіне сілтеме жасап хабарлайды.
Апат салдарынан 20-дан астам адам әртүрлі дәрежедегі жарақат алған, олар ауруханаларда.
Тергеудің алдын ала нұсқасы бойынша автобус жүргізушісі рульге ие бола алмай, көлік 200 метр биіктіктен құлаған.