17:18, 02 Сәуір 2020 | GMT +6
Павлодарлық шенеунік 3 жылын темір тордың ар жағында өткізеді
НҰР-СҰЛТАН. ҚазАқпарат - Павлодар облыстық денсаулық сақтау басқармасының бұрынғы басшысы пара алғаны үшін үшін сотталды. Бұл туралы онлайн брфинг барысында ҚР Сыбайлас жемқорлыққа қарсы іс-қимыл агенттігінің 1-ші департаментінің аға тергеушісі Данияр Биғайдаров айтты, деп хабарлайды ҚазАқпарат тілшісі.
«Павлодар облыстық сыбайлас жемқорлыққа қарсы қызметі Павлодар облыстық денсаулық сақтау басқармасының басшысы О.Мұқашевқа қатысты сыбайлас жемқорлық қылмысын жасау фактісі бойынша сотқа дейінгі тергеуді аяқтады»,- деді ол.
Аға тергеушінің дерегінше, ол кәсіпорын директорынан жалпы қамқорлығы мен Павлодар облысының медицина мекемелері үшін залалсыздандыру құралдарын мемлекеттік сатып алу тендерінде жеңіске жетуі үшін 3 млн теңге көлемінде пара алу күдігіне іліккен.
«Осы жылдың 30 наурызда Павлодар қалалық №2 сотының үкімімен Мұқашев 3 жылға бас бостандығынан айрылып, жазасын орташа қауіпсіз мекемеде өтейді. Сонымен қатар сотталушы өмір бойына мемлекеттік қызметте лауазым атқару құқығынан айырылды»,- деді Данияр Биғайдаров.