00:58, 16 Қыркүйек 2020 | GMT +6
Павлодарда көлік апатынан 9 адам зардап шекті
ПАВЛОДАР. ҚазАқпарат – Павлодар қаласында «ГАЗель» жүргізушісі жеңіл көлікке соғылып, 9 адам зардап шекті, деп хабарлайды ҚазАқпарат тілшісі.
«14 қыркүйек күні сағат шамамен 16.55-те Торговая, 5/5 көшесіндегі сауда үйінің маңында «ГАЗель»-дің 47 жастағы жүргізушісі көлік руліне ие бола алмай қалып, «Ауди А6» автомашинасымен соқтығысты. Жол апаты салдарынан 9 адам дәрігер көмегіне жүгінді», - деп мәлім етті облыстық Полиция департаментінен.
Факті бойынша сараптама тағайындалып, тексеру жүргізіліп жатыр. Көлік айып тұрағына қойылды.