Павлодар облысында ойын-сауық орындарының қызметіне тыйым салынды
Жаңа қаулыда бірқатар орындардың қызметіне тыйым салу туралы шешім шығарылған. Атап айтсақ, караоке, қорқор, букмекер кеңселері, бильярд залдары, ойын клубтары, клубтар, боулинг ортальқтары сияқты ойын-сауық меекемелеріне, сондай-ақ, театр, кинотеатр, концерт залдары сияқты мәдени көпшілік орындардың жұмысына тыйым салынған.
Ал балалар сауықтыру лагерлерінің қызметіне 30 пайызға дейінгі жүктемемен рұқсат берілді.
«Мектепке дейінгі мекемелердің кезекші топтарыньң қызметіне бала санын 25-тен асырмау талабымен рұқсат берілсін», - деп жазылған қаулы мәтінінде.
Ал мешіт, шіркеу, собор, синагога сияқты діни мекемелерде бір адамға 4 шаршы метр орын сақтай отырып ұжымдық діни шаралар өткізуге болады.
Сауда ортальқтарының, сауда үйлері мен желілерінің, Ashyk жобасына қатыспайтын азық-түлік дүкендері мен дәріханалардың, сұлулық салондары мен сабын бұйымдарын сататын орындардың, үй жаунарлары өнімдерін сататын дүкендердің, білім беру үйірмелерінің қызметіне күшейтілген дезинфекциялық талаптарды сақтай отырып, сағат 10.00 ден 22.00-ге дейін жұмыс істеуіне рұқсат етіледі. Алайда сенбі, жексенбі күндері аталмыш нысандардың жұмысына толықтай шектеу қойылады. Бұл шектеу вакциналау бекеттері орналасқан сауда үйлеріне жүрмейді.
Азық-түлікке жатпайтын және азық-түлік тауарларын өткізетін базарлардың жұмысына бір адамға 4 шаршы метр орын сақталған жағдайда жұмыс уақытын шектемей рұқсат берілген.
Супермаркет пен гипермаркет те осындай талаппен жұмыс істеуге жол ашылды.
«Қоғамдық тамақтану нысандарыньң қызметіне жұмыс уақытын сағат 9.00-ден 20.00-ге дейін шектей отырып, жеткізу, алып кету режимін сағат 9.00-ден 22.00-ге шектей отыра рұқсат етілсін», - деп жазылған құжатта.
Асхана типіндегі тамақтану орындарына сағат 9.00-ден 24.00-ге толымдылығы 50 пайызға дейін, ғимарат ішіндегі орындарды 30-дан асырмай, үстелдер арасында 2 метр қашықты қалдыра отырып, ұжымдық, отбасылық және басқа да бұқаралық шаралар өткізуге шектеу қою арқылы жұмыс істеуге рұқсат етілді.