12:33, 19 Қазан 2020 | GMT +6
Павлодар облысында көлік қаққан зейнеткер оқиға орнында жантәсілім етті
ПАВЛОДАР. ҚазАқпарат - Павлодар облысында көлік қағып кеткен зейнеткер оқиға орнында көз жұмды, деп хабарлайды Рavlodarnews.kz.
«Көлік айып тұрағына қойылды. 2020 жылғы 18 қазанда сағат 20.15-те Омбы – Майқапшағай тас жолында «Лада Гранта» автокөлігінің 39 жастағы жүргізушісі белгіленбеген жерде өтіп бара жатқан 65 жастағы жаяу жүргіншіні қағып кетті. Ол алған жарақаттарынан оқиға орнында жантәсілім етті», - дейді облыстық ПД баспасөз қызметінде.
Аталмыш фактіге қатысты тексеру жүргізілуде. Барлық қажетті сараптамалар тағайындалды.
Айта кетерлігі, жыл басынан бері 165 жол-көлік оқиғасы тіркеліп, 16 адам қаза тапқан, 152 жаяу жүргінші әртүрлі дене жарақаттарын алды.