08:04, 22 Қараша 2019 | GMT +6
Павлодар облысында автобус бұзылып, жолаушылар жолда қалды
ПАВЛОДАР. ҚазАқпарат – Павлодар облысында құтқарушылар «Зайсан-Нұр-Сұлтан» бағдарының бұзылған автобусындағы адамдарды эвакуациялады, деп хабарлайды ҚазАқпарат тілшісі.
«22 қарашаға қараған түнде, 02:50-де «Павлодар-Нұр-Сұлтан» автожолының 225-километрінде «Зайсан-Нұр-Сұлтан» бағдарының «Сетра» маркалы жолаушылар автобусының жанармай жүйесінен ақау шықты. ТЖД қызметкерлері автобустың 18 жолаушысын Төртқұдық ауылының мектебіне орналастырды», - деді департамент.
Екі жүргізуші эвакуациядан бас тартқан. Жөнделгеннен кейін, таңғы алтыға қарай автобус сапарын жалғастырды.
