+7 (701) 759 90 19
USD 425.59 EUR 505.43
RUB 5.61 CNY 64.83
Jańalyqtar

Парламент және мәслихат сайлауы: «Ауыл» партиясы мәлімдеме жасады

2020 жылғы 21 қазан 15:18
Бөлісіңіз:
Парламент және мәслихат сайлауы: «Ауыл» партиясы мәлімдеме жасады

НҰР-СҰЛТАН. ҚазАқпарат – Көппартиялы Парламент – қазіргі заманның талабы. Бұл туралы «Ауыл» Халықтық-демократиялық патриоттық партиясының Парламент және мәслихаттарға кезекті сайлаудың жариялануына қатысты мәлімдемесінде айтылған, деп хабарлайды ҚазАқпарат.

Ұқсас жаңалықтар
Павлодарлықтар Мәжіліс  депутаттығына кандидаттарды таңдады

«Бүгін Қасым-Жомарт Кемелұлы Тоқаев Қазақстан Республикасы Парламенті Мәжілісі мен мәслихаттары депутаттарының кезекті сайлауы өтетіні жайлы жарлығын жариялады. «Ауыл» партиясы Президенттің бұл шешімін құптайды.

Бұл қазіргі кезеңдегі коронавирус пандемиясына қарамастан еліміздің барлық азаматтарына Конституцияда көрсетілген сайлау құқығын пайдалануға мүмкіндік беретін дұрыс шешім. Сайлау – кез келген мемлекеттің демократиялық дамуының ажырамас бөлігі», - делінген «Ауыл» партиясының Саяси кеңес президиумы таратқан мәлімдемеде.

Атап өтілгендей, конституциялық мерзімде өткізілетін бұл сайлау әйелдер мен жастарға 30 пайыздық квотаның қарастырылуы, парламенттік оппозиция институтының енгізілуі, сондай-ақ мәслихат депутаттарының партиялық тізіммен сайлануы сияқты белгілі бір жаңашылдықтарымен ерекшеленбек.

«Біз, ел тұрғындарының ауқымды бөлігінің мүддесін арқалаған партия ретінде, аталмыш өзгерістер халқымыздың саяси партиялар институтына деген сенімін арттыра түседі деп есептейміз.

Сондай-ақ, осы жолғы сайлау көппартиялық парламенттің қалыптасуына себепкер болып, қоғамның жаңаруға деген сұранысын қанағаттандырады деп ойлаймыз.

Көппартиялы Парламент – қазіргі заманның талабы, Қазақстандағы саяси жаңғырудың жаңа кезеңі.

Саяси партиялар арасындағы әділ бәсекелестік пен сайлау үдерісі мен дауыстарды санаудағы ашықтық қана Қазақстанның одан әрі дамуының кепілі бола алады деп есептейміз», - деді партиядан.


Біздің каналымызға жазылыңыз:

Бөлісіңіз:

Автор:

Айжан Серікжанқызы

Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT