Пара көлемі қалай өзгерді – зерттеу қорытындысы

Жемқорлыққа қатысты арнайы зерттеу қорытындысын жария еткен Ольга Шиянның айтуынша, азаматтар көбінесе ем алу немесе емделуге жолдама алу (12,7%), жұмысқа орналасу (10,1%), баланы балабақшаға орналастыру (6,1%), жер мәселесін шешу (6,5%), ХҚКО-дан анықтама алу (5,1%), сессияны «жабу» (4,4%), салық есебін тапсыру (9%), жол берілген заңбұзушылықтар бойынша жауапкершіліктен аулақ болу (8,4%) қажеттігіне байланысты пара беріп жатады.

«Респонденттердің сыбайлас жемқорлыққа тартылуына өтініштердің жиілігі емес, алушының қызметке қызығушылық дәрежесі әсер ететінін атап өткен жөн. Респонденттер жағдайлардың жартысында мәселені бейресми шешудің бастамашылары мемлекеттік мекемелердің қызметкерлері, сондай-ақ делдалдар екенін атап өтті. Бір жыл ішінде сыбайлас жемқорлық мәмілелеріндегі делдалдардың үлесі 6%-ға өсті», - деп атап өтті Ольга Шиян Орталық коммуникациялар қызметінде өткен брифингте.

Сауалнамаға қатысқандардың үштен екісі, егер қандай да бір мекеменің қызметкері пара алғысы келсе, онда ол әуре-сарсаңға салып, өз өкілеттіктерін асыра пайдаланатынын атап өткен. Пара сомасы 1 000-нан 300 000 теңгеге дейін өзгерген (2019 жылы-500-ден 500 000 теңгеге дейін болған).