+7 (701) 759 90 19
USD 443.50 EUR 479.47
RUB 5.79 CNY 62.51
Jańalyqtar

Өзбекстанның парламенттік сайлауында либералды-демократиялық партия жеңіске жетті

2020 жылғы 7 қаңтар 17:15
Бөлісіңіз:
Өзбекстанның парламенттік сайлауында либералды-демократиялық партия жеңіске жетті

ТАШКЕНТ. УзА-ҚазАқпарат – Өзбекстанда Өлий Мәжілісінің Заңнамалық палатасының және облыстық, аудандық және қалалық Кенгаши халық депутаттарын сайлау қорытындысы жарияланды, деп хабарлайды ҚазАқпарат тілшісі УзА-ға сілтеме жасап.

Өлий Мәжілісінің Заңнамалық палатасындағы 150 депутаттың орнына бес саяси партиядан 744 адам таласқан болатын.

2019 жылдың 22 желтоқсанында басталған бұл жолғы сайлауда шетелде жүрген өзбекстандықтарды қосқанда 13 миллион 963 мың 627 сайлаушы, яғни жалпы сайлаушылардың 67,8 пайызы дауыс берді. 150 мыңға тарта сайлаушы мерзімінен бұрын дауыс беру мүмкіндігін пайдаланды. Сайлауда бірінші рет шетелде жүрген Өзбекстан азаматтарына дауыс беру мүмкіндігі берілді.

25 сайлау округінде үміткерлердің бірі де жалпы дауыстың 50 пайызын ала алмағандықтан, 2020 жылдың 5 қаңтарында қайтадан дауыс беру ұйымдастырылды.

Сайлау нәтижелеріне сәйкес, Өзбекстан Республикасының Өлий Мәжілісінің Заңнамалық палатасында кәсіпкерлер мен іскер адамдардың қозғалысы – Өзбекстанның либералды-демократиялық партиясы - 53, Өзбекстанның «Миллий тикланиш» демократиялық партиясы - 36, Өзбекстанның «Адолат» социал-демократиялық партиясы - 24, Өзбекстанның халықтық-демократиялық партиясы 22 және Өзбекстанның экологиялық партиясы 15 депутаттық орынға ие болды.

150 депутаттың 48-і (32 пайызы) әйелдер. 39-ы – парламенттің төменгі палатасының бұрынғы депутаттары. Таңдап алынған депутаттардың 9-ның жасы отызға дейінгі жастар. 97-нің жасы 30 бен 50 аралығында. 44-нің жасы 50-ден жоғары. 130 депутат немесе 87 пайызы өзбек ұлтынан.

Қалған 20 депутаттың ішінде бес-бестен қарақалпақ және орыс ұлтынан халық қалаулысы болса, үш-үштен депутат қазақ және тәжіктен, екеуі кәрістен, бір-бір депутат қырғыз және түрікмен ұлтынан болып отыр.


Біздің каналымызға жазылыңыз:

Басты сөздер: Әлем, Сайлау,
Бөлісіңіз:

Автор:

Аян Бекенұлы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT