22:43, 12 Қыркүйек 2021 | GMT +6

Өзбекстанның 3 млн-ға жуық тұрғыны COVID-19-ға қарсы вакцина салдырды

ТАШКЕНТ. ҚазАқпарат – Вакцинация басталғалы бері Өзбекстанның 3 млн-нан астам тұрғыны коронавирусқа қарсы екпенің толық курсын алды, деп хабарлайды ҚазАқпарат ХАА меншікті тілшісі.

Өзбекстанның Денсаулық сақтау министрлігінің хабарлауынша, бүгінгі таңда елде вакцинаның 16 861 167 дозасы пайдаланылған. Олардың арасында бірінші дозаны 9 991 456 адам алған. Екінші және үшінші (ZF-UZ-VAC2001 қытай-өзбек вакцинасы 3 жозамен егіледі) дозаны 5 143 903 және 1 725 808 өзбекстандық салдырған.

Вакцинаның толық курсын 3 121 019 өзбекстандық алған. Бұл ел тұрғындарының 9 % (Өзбекстан тұрғындарының саны 2021 жылдың басында 34,5 млн болды).

Айта кетейік, Өзбекстанда вакцина салу науқаны 1 сәуірде басталды.

Қазір Өзбекстанда еуропалық AstraZeneca, қытай-өзбек ZF-UZ-VAC2001 және ресейлік «Спутник-V», сондай-ақ америкалық Moderna вакцинасы салынып жатыр.

Эпидемиологиялық жағдайдың қиындауына байланысты Өзбекстанда 3 тамыздан бастап, жұмыс істейтін тұрғындардың міндетті түрде вакцина алуын құқықтық негізде міндеттейтін заң қабылданды.

Мәдибек Жәнібеков

Тегтер:

Әлем жаңалықтары Өзбекстан Вакцина Әлем Коронавирус Денсаулық

Соңғы жаңалықтар

Одан да көп жаңалықтар біздің Телеграм-арнамызда!