13:35, 13 Мамыр 2020 | GMT +6
Өзбекстандағы сел: құтқарушылар 300 адамды эвакуациялады
ТАШКЕНТ. УЗА-ҚазАқпарат – Навои облысындағы Зарафшанда 13 мамырда жергілікті уақыт бойынша сағат 2:30-дан 4:30-ға дейін нөсер жаңбыр салдарынан сел жүрді, деп хабарлайды УзА агенттігі.
Алдын ала мәліметтер бойынша селден 4 үй зардап шекті.
Төтенше жағдайлар министрлігі хабарлағандай, оқиға орнына Навои облысының Төтенше жағдайлар басқармасының 9 автокөлігі мен 70 қызметкері келген. 300 адам қауіпсіз жерге көшірілді.
Дер кезінде қабылданған шаралардың арқасында ешкім зардап шеккен жоқ.